Pakoja Esenciale përbën hyrjen bazë të çdo fëmije në shërbimet e ANAK dhe përfshin vlerësimin klinik zhvillimor, hartimin e planit individual të ndërhyrjes dhe trajnimin e strukturuar të prindërve. Përmes këtij procesi identifikohen aftësitë, nevojat dhe prioritetet zhvillimore të fëmijës, ndërsa familja pajiset me njohuri dhe teknika konkrete për ta mbështetur zhvillimin e fëmijës edhe në shtëpi. Ky kombinim siguron që ndërhyrja të jetë e qëndrueshme, e koordinuar dhe e fokusuar në rezultate funksionale..

ANAK ofron seanca terapeutike individuale të bazuara në parimet e Analizës së Aplikuar të Sjelljes (ABA) dhe Sjelljes Verbale (VB), të cilat janë metoda të vërtetuara shkencërisht për punë me fëmijët me autizëm. Seancat zhvillohen një-me-një dhe synojnë rritjen e komunikimit funksional, zhvillimin e aftësive sociale, pavarësimin dhe reduktimin e sjelljeve sfiduese. Programet individualizohen sipas planit të çdo fëmije dhe monitorohen vazhdimisht nga profesionistë të kualifikuar.
.

Konsultat klinike të ANAK u ofrohen prindërve, kujdestarëve dhe profesionistëve për të adresuar vështirësi specifike në sjellje, komunikim dhe funksionim ditor të fëmijëve. Ato bazohen në Analizë të Sjelljes dhe përfshijnë vlerësimin e situatave problematike, dhënien e udhëzimeve praktike dhe përshtatjen e strategjive të ndërhyrjes sipas nevojave të fëmijës. Këto konsulta sigurojnë vazhdimësi dhe koherencë në ndërhyrje, si në qendër ashtu edhe në shtëpi apo shkollë.

ANAK ofron mbështetje të strukturuar për fëmijët me autizëm gjatë integrimit të tyre në çerdhe dhe shkolla, përmes konsultave me mësuesit, asistentët dhe institucionet arsimore. Kjo përfshin përshtatjen e planeve individuale në mjedisin shkollor, udhëzime për menaxhimin e sjelljeve dhe përmirësimin e komunikimit, si dhe përcjellje të rregullt profesionale. Ky shërbim synon të sigurojë që fëmijët të kenë mundësi reale për pjesëmarrje, mësim dhe përfshirje të barabartë në sistemin edukativ.